ئەنجومەنی پارێزگای سلێمانی دانیشتنی ژمارە (60) ئەنجامدەدات...

بە نوسراوی ژمارە (60) لە بەرورای (18/10/2020) کە واژۆی سەرۆکی ئەنجومەنی پارێزگای لەسەرە، بڕیارە سبەینێ (20/10/2020) کاتژمێر (10:00)ی سەر لەبەیانی ئەنجومەنی پارێزگای سلێمانی دانیشتنی ژمارە (60)ی خۆی ئەنجامدەدات، لە بەشێکی نوسراوەکەدا هاتووە: (ئاماژە بە یاداشتی ژمارەیەک لە ئەندامانی ئەنجومەن سەبارەت بە سوتانی دارستان و دارسنەوبەرەکان و زیانەکانی بۆ سەر ژینگەو بە ئامادەبوونی ئەو بەرێزانەی کە ئاماژەمان پێداوە  بۆ کۆبوونەوەکە و ئاماژە بەنوسراوی داواکاری بەرێز پارێزگاریش بەمەبەستی ئامادەبوون:

1. پارێزگاری سلێمانی

2. سەرۆکی شارەوانی سلیمانی

3. بەڕێوبەری دارستان و پاوانی سلێمانی

هەروەها بریاریشە لە دانیشتنەکەدا دەنگ بدرێت لەسەر پاڵیوراوان بۆ  پڕکردنەوەی پۆستەکانی : (بەڕێوبەرایەتی گشتی رۆشنبیری و هونەری سلێمانی) (بەڕێوبەرایەتی گشتی چاودێری کۆمەڵایەتی سلێمانی) (بەڕێوبەرایەتی گشتی ئاوادانکردنەوەی سلیێمانی) 

  شایانی باسە ئەنجوومەنی پارێزگای سلێمانی لە بەرواری (30/9/ 2020)دا بریاربووكۆبوونەوەیەكی نائاسایی  تایبەت بە سوتانی سنەوبەرەكان ئەنجامبدات بەڵام بەهۆی ئەوی  و بەشێک لە ئەندامانی ئەنجوومەن داوایانكردبوو كە لایەنە پەیوەندیدارەكانی حكومەت بانگهێشتی دانیشتنەکەی ئەنجوومەن بكەن و بەهۆی ئاگادارنەكردنی ئەو لایەنانەوە بۆ دانیشتنی ئەنجومەن بەشێك لە ئەندامانی ئەنجوومەنەكە بایكۆتی دانیشتنەکەیان کردمەرجیان بۆ بەشداری لە دانیشتنەکە بانگهێشتکردنی لایەنە پەیوەندیدارەکان بوو.