مێزگردەكەش تایبەت بوو بە گفتوگۆکردن و وەرگرتنی ڕای بەشداربووان سەبارەت بە سیستمی بەڕێوەبردنی پارێزگاکان و پێشنیازەکان و هەوڵەکان بۆچۆنیەتی ڕیفۆرمکردن لە هەیکەل و شێوازی حوکمڕانی لە حکومەتی خۆجێی پارێزگاکان، و حکومەتی هەرێم 

کە بەهێزترین و گرنگترین خاڵ بۆ ڕێفۆرم لەم حوکمڕانی یەو چەسپاندنی لامەرکەزی ئیداری لە پارێزگاکاندا ، لاوازکردن و لابردنی هۆکارەکانی بەردەم جێبەجێکردنی ڕیفۆرمە لە سیستمی بەڕێوەبردندا.

هەروەها تیشک خرایە سەر زۆرێک لە کەموکورتییەکانی سیستەمی ئیداری و حوکمڕانی لە هەرێمی كووردستاندا، لەوانەش زۆری وەزیرو بەڕێوەبەرەگشتییەکان‌و زۆری قەزاو ناحیەكان بەبێ بوونی هیچ پێوەرێکی زانستی کە ژمارەی پێوانەیی تێپەڕاندووە ئەمە سەرەڕای بوونی زۆرترین ڕۆتینیات لەدەزگاکاندا‌و دامەراندن لەسەر بنەمای خزمایەتی و حیزبایەت.