(كاسترۆ مەعروف) سەرۆكی فراكسیۆنی هاوپەیمانی نیشتمانی، لە (ئەنجومەنی پارێزگای سلێمانی)، لە لێدوانێكی تایبەتدا بە پێگەی ئەلكترۆنی (رێكخراوی كوردستان بۆ هەمووان)ی راگەیاند:

"لەبەرامبەر هەوڵ‌و ماندووبونەكانی تیمی پڕۆژەی رێكخراوی كوردستان بۆ هەمووان، بەپێویستم زانی وەك سەرۆكی فراكسیۆنی هاوپەیمانی نیشتمانی لەئەنجومەنی پارێزگای سلێمانی، ئەم رێزلێنانە ببەخشمە رێكخراوی ناوبراو، چونكە رۆڵێكی بەرچاویان هەبووەلە ناساندنی ئەنجومەنی پارێز بەهاووڵاتیان‌و هەروەها بەشێوەیەكی بەردەوام بەدواداچوونیان بۆ ئەنجومەنی پارێزگا كردووە، راپۆرتەكانیشیان تاكە دۆكیومێنتێكە كە بەو شێوە بەرفراوانە هەم چالاكییەكانی ئەنجومەنی لە خۆ گرتبێت و هەم هەڵسەنگاندنێكی بێلایەنانەشی بۆ ئەنجومەن كردووە".

ئێمەش وەك سەرۆك و دەستەی كارگێڕی (رێكخراوی كوردستان بۆ هەمووان) سوپاسی بەڕێز (كاسترۆ مەعروف) دەكەین‌و هیوای سەركەوتنی بەردەوامی بۆ دەخوازین.