پاش ئەو گرێبەستەی لە نێوان وەزارەتی دادو كۆمپانیای (INFOR RR)كرا تایبەت بە بەئەلیکترۆنی کردنی مامەڵە دادییەکان بەپێی گرێبەستەكەش بۆ هەر مامەڵەیەكیش سەرەتا بڕی (25000) دینار لە هاووڵاتیان وەردەگیرا‌و دواتر پاش ئەورەخنانەی لە بڕیارەكە گیرا نرخی مامەڵەكان لە (25000) دینارەوە كرا بە (15000) دینار، هاوكات (ئەنجومەنی پارێزگای سلێمانی)ش لە پەنجاوچوارەمین كۆبوونەوەیدا لە بەرواری (10/9/2010)دا بڕیارەكەی رەت كردەوە و پێیوابوو كە ئەم بڕیارە لە بەرژەوەندی هاووڵاتیان نییە....
ئەمەی لایخوارەوەش دەقی بڕیارەكەی ئەنجومەنی پارێزگای سلێمانییە
بڕیاری ژمارە (7)ی ساڵی 2019
ئەنجومەنی پارێزگای سلێمانی لە هۆڵی كۆبونەوەكانی ئەنجومەن لە بەرواری (10/9/2019) لە كۆبونەوەی ئاسایی (54) (پەنجاو چوارەمین)ی خۆیدا بەسەرپەرشتی بەڕێز سەرۆكی ئەنجومەن‌و ئامادەبوونی دەستەی سەرۆكایەتی‌و (26) ئەندام لە كۆی (32) ئەندام، پاڵپشت بە بڕگەی (8) لەماددەی شەشەمی یاسای ژمارە (3)ی ساڵی (2009).
دوای ئەوەی پەرلەمانی كوردستان یاسای هەمواری یەكەم ژمارە (2)ی ساڵی (2019)ی بۆ یاسای ژمارە (3)ی ساڵی (2009)ی ئەنجومەنی پارێزگاكانی هەرێمی كوردستان- عێراق دەركرد ، بە درێژکردنەوەی ئەم خولەی ئەنجومەن تا خولی هەڵبژاردنی داهاتوو بەپێی ئەو دەسەڵاتەی پێمان دراوە بڕیارماندا بە:
1. پشتگیری لەبەسیستەمكردن‌و ئەلكترۆنی كردنی دامودەزگاكان‌و مامەڵەی هاووڵاتیان دەكەین لە بەرژەوەندی گشتی و گرێبەستەك ەدەبێت بە كێبڕكێ بێت.
2. بۆ بەڕێز ئەنجومەنی وەزیران‌و وەزارەتی دادی هەرێم، پێشنیاز دەكەین ئەگەر ئەم گرێبەستەی لە نێوان وەزارەتی دادو كۆمپانیای (INFOR RR)كراوە، هەڵبوەشێتەوەو داڕشتن بۆ گرێبەستێكی نوێ بكرێت كە بگونجێت لەگەڵ یاسا كارپێكراوەكان‌و رەزامەندی بەڕێز ئەنجومەنی وەزیرانی هەرێمی كوردستان بەپێی نوسراوی ژمارە (809) لە (13/2/2019).
3. بەپێی بنەمای سەروەری یاساو دەستوری عێراق بۆ ساڵی (2005) لە ماددەی (19 ب 1)، كە دەڵێت ناكرێت دەسەڵاتی جێبەجێكار باج‌و رسومات فەرز بكات‌و سزای هاووڵاتیان بدات بەپێی یاسا باشتروایە پەرلەمانی كوردستان گۆڕانكاری لەرسومات بكات كە لەیاسای ژمارە (135)ی ساڵی (1971)ی عەریزەنووسەكان هاتووە.
4. بەپێی ناوبراوی سەرەوە لە ماددەی (4,3) پێدانی مۆڵەتی عەریزە نووسین لە دەسەڵاتی دادگاكانە، پێمانوایە ئەمە دژە لەگەڵ كاركردنی عەریزە نووسەكاندا كە ئەو مافەیان لێوەربگیرێتەوە بدرێت بەكۆمپانیایەكی تایبەت.
لە گرێبەستەكاندا پارەیەكی زۆر دیاریكراوە بۆ فۆڕم پڕكردنەوە كە بڕی (25000) بیست و پێنج هەزار دینارە لەسەر پسوڵەكەی كەناوی بەڕێوبەرایەتی گشتی فەرمانگەكانی دادی لەسەرە.
• ئەم بڕیارە لە سلێمانی نوسرا لە بەرواری (10/9/2019).
• لە ڕۆژی دەرچونیەوە كاری پێدەكرێت.
• بەدەنگی (29) ئەندام پەسەندكرا.