لە ئێستاوە ژەمارەیەک پەرلەمانتار و کەسانی حزبی کە تەنیا بە چاویلکەی تەسکی حزبی و قەومی تەماشای دونیا دەکەن باس لەوە دەکەن کە ئەگەر کورد بە یەک لیست دانەبەزێ لە کەرکوک و ناوچەکانی تر ئەوە ئەو ناوچانە "لەدەست ئەیا" کە ئەمە تێنەگەشتنە لە گەمەی دیموکراسی و نیشانەی زاڵی عەقڵی قەبەلی کە دەیانەوێ بەم بیانوە سەرجەم هێزەکوردیەکان لە هاوپەیمانیەکی ئیتنیکی کۆبکەنەوە تا بەردەوامی بە شکستی دوو دەیەی رابردوو بدەن، دەنا چ گرفتێک لەوەدایە بیر لەوە بکرێتەوە هاوپەیمانی لەگەڵ هێزەنیشتیمانیەکانی تری عێراق پێکبهێنرێت؟ لە ۱٥ ساڵی حوکمرانی کوردی و ۲ ساڵی عەرەبی فێرنەبین کە زاڵکردنی یەک گروپی ئیتنیکی بەسەر کەرکوک جگە لە ماڵوێرانی بۆخەڵکی ئەو شارە هیچ سودێکی تری نیە.