چەند زانیارییەكی گشتی

دەربارەی خوولی دووەمی ئەنجوومەنی پارێزگای سلێمانی

- ئەنجوومەنی پارێزگای سلێمانی بە گوێرەی یاسای ژمارە 3ی ساڵی 2009 كە لە پەرلەمانی كوردستان دەرچووە، هەڵبژێردراوەو كاردەكات .

- رۆژی 30/4/2014 هەڵبژاردن بۆ ئەنجوومەنەكە ئەنجامدرا .

- لە بەرواری 22/5/2014 كۆمسیۆنی باڵای سەربەخۆی هەڵبژاردنەكان ئەنجامی هەڵبژاردنەكەی راگەیاند‌و وادەیەكی بۆ تانەلێدان دیاریكرد، دواجار لە 2014/6/9 بە فەرمی دوا دەرئەنجامی پەسەندكراو راگەیەنرا .

- یەكەمین كۆبوونەوەی ئەنجوومەنی پارێزگا لە 24/6/2014 بەڕێوەچوو، تێیدا (ئامانج نەجیب شەمعوون) كە بەتەمەنترین ئەندامە، بە سەرۆكی كاتیی ئەنجوومەن هەڵبژێردرا، دواتر بەهۆی رێكنەكەوتنی لایەنە سیاسیەكان لەسەر دابەشكردنی پۆستەكان، كۆبوونەوەی یەكەم بە كراوەیی هێڵرایەوە .

- دوای رێككەوتنی سیاسی دوو لایەنی براوەی یەكەم (یەكێتی نیشتیمانی كوردستان‌و بزووتنەوەی گۆڕان)، لە كۆبوونەوەی  رۆژی 11/12/2014دا، پارێزگارو سەرۆكی ئەنجوومەن‌و جێگرەكەی هەڵبژێردران .

- بە گوێرەی رێككەوتنەكە، پۆستی پارێزگار درایە یەكێتی نیشتیمانی كوردستان‌و (ئاسۆ فەرەیدوون عەلی ئەمین) كرایە پارێزگار، هەروەها پۆستی سەرۆكی ئەنجوومەنی پارێزگا درایە بزوتنەوەی گۆڕان‌و (هەڤاڵ ئەبووبەكر حسێن) لە پۆستەكەدا دەستبەكاربوو. هەر بەپێی رێككەوتنەكە ئەم دوو پۆستەو چەند پۆستێكی كارگێڕیی دیكە بۆ ماوەی ساڵێك‌و 9 مانگ بەكاردەبێت‌و دواتر ئاڵوگۆڕ دەكرێن‌و پێچەوانە دەبنەوە .

- دوای دانانی (ئاسۆ فەرەیدوون عەلی ئەمین) بە پارێزگار، (سەمەد ئیبراهیم محەمەد عەبدوڵڵا) لە جێگەی ئەو وەك ئەندامی ئەنجوومەن دەستبەكاربوو .

- هەردوو لایەنی (كۆمەڵی ئیسلامی كوردستان- عێراق)‌و (یەكگرتووی ئیسلامی كوردستان) فراكسیۆنێكیان بە ناوی (خزمەت) پێكهێنا، ئەمەش تەنها فراكسیۆنە لە ئەنجوومەنەكەدا .

هەڵبژاردن‌و دانانی بەڕێز (ئەكرەم شەریف محمد) بە جێگری سەرۆكی ئەنجومەنی پارێزگای سلێمانی، بە دەنگی (29) ئەندام لە كۆی (32) ئەندام، پاڵپشت بە مادەی شەشەم بڕگەی یەكەم لە یاسای ژمارە (3)ی ساڵی 2009 یاسای پارێزگاكانی هەرێمی كوردستان .

هەڵبژاردن‌و دانانی بەڕێز (فەرهاد تۆفیق حەسەن) بە سكرتێری كاتیی ئەنجومەنی پارێزگای سلێمانی .

بەڕێز (فەرهاد تۆفیق حەسەن) لە پۆستی سكرتێری كاتیی ئەنجومەن بەخشرا، بەدەنگی (22) ئەندام .

بەڕێز (مەهدی مەحمود محەمەد میرزا) بە سكرتێری ئەنجومەن هەڵبژێررا، بەدەنگی (26) ئەندام‌و دەستیبەكاركرد .

پەسەندكردنی لۆگۆی ئەنجومەنی پارێزگای سلێمانی، وەك لۆگۆی رەسمی ئەنجومەنی پارێزگای سلێمانی، بەدەنگی (24) ئەندام. ئەم لۆگۆیە لە  14/4/2015ەوە كاریپێدەكرێت .

لە بیست‌و نۆیەمین كۆبوونەوەدا لە (25/8/2016)دا گۆڕانكاری لەدەستەی سەرۆكایەتی ئەنجومەدا كراو دەستەیەكی نوێی سەرۆكایەتی پێكهێنرا ، بەم شێوەیەی خوارەوە :

1.            ئازاد محەمەد ئەمین حەسەن/ سەرۆكی ئەنجومەنی پارێزگا .

2.            ئەنوەر تاهیر محەمەد/ جێگری سەرۆكی ئەنجومەنی پارێزگا .

3.            مەهدی مەحمود محەمەد/ سكرتێری ئەنجومەنی پارێزگا .

یەكەم / تەمەنی ئەندامانی ئەنجومەن :

دووەم: رێژەی تەمەنی ئەندامانی ئەنجومەن :

سێیەم/  بڕوانامەی ئەندامانی ئەنجومەن :

چوارەم/ كاری پێشتری ئەندامانی ئەنجومەن :

پێنجەم/ پشكی ژنان لە ئەنجومەن :

ژنان لەئەنجومەنی پارێزگای سلێمانیدا لەكۆی (32) كورسی ئەنجومەن،(10) كورسی بەر ژنان كەوتووە، لە كۆی (17) لیژنەی هەمیشەیی ئەنجومەنیشدا ژنان بەم شێوەیە لەلیژنەكاندا رۆڵیان هەیە :

1.            سەرۆكی لیژنە/       5

2.            جێگری سەرۆكی لیژنە/         5

3.            بڕیاردەری لیژنە/    5

شەشەم/ شوێنی نیشتەجێبوونی ئەندامانی ئەنجومەن :

دووەم: فراكسیۆنەكانی ناو ئەنجومەن :

 فراكسیۆنەكانی ناو ئەنجومەنی پارێزگای سلێمانی، لە شەش فراكسیۆن پێكدێن ، كە بریتین لە :

v                      فراكسیۆنی گۆڕان

v                      فراكسیۆنی یەكێتی نیشتمانی كوردستان

v                      فراكسیۆنی خزمەت

v                      فراكسیۆنی پارتی دیموكراتی كوردستان

v                      فراكسیۆنی هاوپەیمانی نیشتمانی كوردستان

v                      فراكسیۆنی رافیدەین

-              (32) كورسیەكەی ئەنجومەنی پارێزگای سلێمانی بەم شێوەیە بەسەر فراكسیۆنەكاندا دابەشبووە :

تێبینی :

وەك جێبەجێكردنێك بۆ رێكەوتنی سیاسی نێوان (یەكێتی نیشتمانی كوردستان)‌و (بزووتنەوەی گۆڕان)، هەردوو فراكسیۆنەكە بڕیاریاندا بە ناوی فراكسیۆنی (هیوا) پێكەوە وەك یەك فراكسیۆن لە ئەنجومەنی پارێزگادا كاربكەن، بەڵام هەتا كاتی نووسینی ئەم راپۆرتە، زیاتر وەك دوو فراكسیۆن كاردەكەن نەك وەك یەك فراكسیۆن .