لە بەشێکی تری راگەیاندراوەکەدا هاتووە: (‎ئەم دەرەنجامە لەدوای ئەو زنجیرە هەڵمەتە هات کە بەرامبەر ئازادیە سیاسی و مەدەنیەکان لە هەرێمی کوردستان هاتۆتە ئاراوە. هەروەك لە گرتن و سزادانی ژمارەیەك چالاکی مەدەنی و رۆژنامەنوس بینیمان. لەمروەشەوە پێشوەخت داوامان لەسەرۆکایەتی ئەنجومەنی نوێنەران کرد کە بەپێی ماددەی (۸۳) لە پەیڕەوی ناوخۆی ئەنجومەن لیژنەیەکی لێکۆڵینەوەی راستیەکان پێك بهێنیێت دەربارەی روداوەکانی هەرێمی کوردستان و لێکۆڵینەوە لە هۆکارو بارودۆخی رفاندن و گرتنی نایاسایی چالاکوان و رۆژنامەنوسان. کە داوای سەرەتایترین مافی خەڵك دەکەن، بەتایبەتی لە پارێزگاکانی هەولێرو دهۆك. سەرەڕای کاندیدکردنی نوێنەری لیژنەکانی ئاسایش و بەرگری و مافی مرۆڤ بە نوسراوی فەرمی....)

لە کۆتایی راگەیەندراوەکەشدا (3) داواکاری ئاڕاستەی سەرۆکایەتی (ئەنجومەنی نوێنەرانی عێراق) و دەزگا ئەمنیەکانی هەرێمی کوردستان، بەتایبەت لەپارێزگای سلێمانی کراوە کە بریتین لە:-

‎‎ ‎‎1. پێکهێنانی ئەو لیژنەیەی چەندین مانگە هاوپەیمانی هیوا داوای کردووە بۆ بەدواداچونی راستیەکان لەسەر هەمو روداوەکان و ئەم هەوڵی تیرۆرکردنەش. دواتریش راگەیاندنی ئەنجام و راسپاردەکان بەڕونی و بەبێ موجامەلەی هیچ لایەك لەسەر حسابی ماف و ئازادییەکانی هاوڵاتیان.

‎2. داوا لە دەزگا ئەمنیەکانی هەرێمی کوردستان دەکەن، بەتایبەت لەپارێزگای سلێمانی، کە هەرچی زوە دەرەنجامی لێکۆڵینەوەکان لە هەوڵی تیرۆرکردنی پەرلەمانتاری (د.غالب) ئاشکرا بکەن.

‎3.  هاوپەیمانی هیوا داوا دەکات دەزگا ئەمنیە فدرالیەکان بەشداری بکەن لەلێکۆڵینەوەکانی تایبەت بە هەوڵی تیرۆرکردنی پەرلەمانتار (د.غالب) و ئاشکراکردنی تاوانبارو لایەنەکانی لەپشتی ئەم روداوەن. دواتریش بەسزاگەیاندنیان.

‎شایانی باسە سەر لە ئێوارەی رۆژی (هەینی) (26/2/2021)له‌ به‌رده‌م ماڵه‌كه‌ی خۆیدا له‌ شاری سلێمانی، به‌ چه‌قۆ هێرش كرایه‌ سه‌ر (د.غالب محه‌مه‌د)، نوێنەری پارێزگای سلێمانی لە ئەنجومەنی نوێنەرانی عێراق.، اش هێرشه‌كه‌ غالب محه‌مه‌د گواستراوه‌یه‌وه‌ بۆ نه‌خۆشخانه‌ی شار و چاره‌سه‌ری بۆ كراوه‌.