بەرنامەی لیستی حزبی سۆسیالیست دیموكراتی كوردستان‌و حزبی شیوعی گفتوگۆی لەسەرکرا

ئەمڕۆ (یەك شەممە)، بەرواری (6/5/2018 )، رێكخراوی كوردستان بۆ هەمووان بەهاوكاری رێكخراوی (NED)ی ئەمریكی، هەستا بەئەنجامدانی چوارەمین گفتوگۆیكراوە بۆ كاندیدانی هەڵبژاردنەكانی ئەنجومەنی نوێنەرانی عێراق .
چوارەمین گفتوگۆیكراوە تایبەتبوو بە میوانداریكردنی بەڕێز (تانیا تاهیر) سەرۆكی لیستی (حزبی سۆسیالیست دیموكراتی كوردستان‌)‌و بەڕێز (شلێر عبدالمجید) سەرۆكی لیستی (حزبی شیوعی كوردستان).
پاش خوێندنەوەی (CV) كاندیدەكان، دواتر هەریەكە لە میوانەكان باسیان لە بەرنامەی لیستەكانیان كردوو، ئەوەیان روون كردەوە كە لەداهاتوودائەگەر بچنە بەغداد چی بۆ دەنگدەرانیان دەكەن .
پاشان دەرگای گفتوگۆكرایەوە بۆ بەشداربووان‌و، بەشداربووانیش راو سەرنج‌و رەخنەو پێشنیاری خۆیان خستە بەردەست هەردوو كاندیدەكە .
شیاوی باسە تەنها لیستی (بزووتنەوەی گۆڕان)و (نەوەی نوێ) ماون بۆ ئەوەی گفوتوگۆ لەسەر بەرنامەكانیان بكرێت.