لەمیانی سەردانیكردنەکەدا نوێنەرانی كورد  بارودۆخی خراپی هاووڵاتییە كوردەكانی دانیشتووی سنوری کەرکوک و خانەقین و ناوچەکانی ترگفتوگۆیان لەسەركراو داوایان لەسەرۆك وەزیرانی عێراق كرد كە پێویستە بۆ كۆتاییهێنان بەو گرژی‌و ئاڵۆزیانە، ڕاستەوخۆ حکومەت تەدەخول بکات .

هەروەها لە تەوەرێكی دیكەدا  کارە نایاساییەکانی پاریزگاری کەرکوکیش خرانەڕوو، بەگوتەی بەشێك لە بەشداربووانی كۆبوونەوەكە، سەرۆك وەزیرانی عێراق،  بەشێوەیەکی گشتی بەڵێنیداوە کە چارەسەری کێشەکان  بکات .

سەبارەت بە پارەی گەنمی جوتیارانیش (عادل عبدالمهدی)بە شاندەكەی راگەیاندووە  کە گەنمی ئەمساڵی جوتیاران ڕاستەوخۆ خەرج دەکرێت، بەڵام پارەی گەنمی ساڵانی پێشوو دەبێ چارەسەری بۆ بدۆزرێتەوە .

سەبارەت بە مووچەی فەرمانبەرانیش  نوێنەرانی كورد داوایانكردووە کە مووچە جیا بکەنەوە لە پابەند نەبوونی حکومەتی هەرێم بە ناردنی نەوت رێكارە یاساییەكان لەگەڵ حکومەت بگرنە بەر بەڵام با فەرمانبەران نەبنە سوتەمەنی ، لە بەرامبەردا سەرۆك وەزیرانی عێراق دڵنیاییداوەتە شاندەكە  کەناردنی مووچەی فەرمانبەران بەردەوام دەبێت و نابڕدرێت .

شایانی باسە لەشاندەكەدا دوو نوێنەری پارێزگای سلێمانی بەشداربوون، كە بریتیی بوون لە  (د. جوان ئیحسان)‌و (د. بەهار مەحمود).