ئارەزوو مەحموود

فراكسیۆنی یەکێتی نیشتمانی کوردستان

ئەندامی ئەنجومەنی نوێنەرانی عێراق

دەبێت‌ بزاندرێت لەناو ئەندامانی ئەنجومەنی نوێنەرانی عیراقدا، چۆن هەن لەتەواوی پێكهاتەو فراكسیۆنە جیاوازەكاندا، نایانەوێت دۆسێی نەوت و كێشە سیاسیەكانی نێوان حكومەتی فیدڕاڵ و حكومەتی هەرێم تێكەڵاو بكرێت، ئاواش هەن و پێیان وایە دەبێت چۆن بەغداد مووچەی فەرمانبەرانی هەرێمی كوردستان دەنێرێت، حكومەتی هەرێمـیش  ئاوا نەوت رادەستبكات .

ئەوانەی نایانەوێت‌ لەم ڕاستییە تێبگەن، فراكسیۆنە هاوسۆزو كوردستانیەكان بەتایبەتی دەخەنە بەردەم ئیحراجییەكی گەورەو، ڕێ‌ لەبەردەم هەمواركردنەوەی بڕگەی (ج )لەماددەی (10)دا كەتایبەتە بەدابینكردنی مووچەی فەرمانبەرانی هەرێم، خۆش دەكەن .

ئەمڕۆ 8 / 7 / 2019 ئەنجومەنی نوێنەرانی عیراق، لەدانیشتنی ژمارە (٣١) ی وەرزی دووەم و، لەكاتی گفتوگۆو دەنگدان لەسەر هەمواری ماددەی(58)ی تایبەت بەنەهێشتنی پلەی وەزیفی بەوەكالەت، پێشنیازێكی ئامادەكراو بەواژۆی زیاتر لە(50) پەرلەمانتار، هۆسەو پشێوی پەرلمانی لێكەوتەوە، خۆشبەختانەو سەرەنجام نەیتوانی دەنگی پێویست بەدەستبهێنێت، بریاردرا لەدانیشتنی رۆژی پێنج شەممەدا هەریەك لەوەزیرانی(نەوت و دارایی) و نوێنەری حكومەت بانگهێشتی پارلمان بكرێن .

ئەوەی جێگەی دڵخۆشیە یەك هەڵوێست و یەك دەنگی فراكسیۆنە كوردستانی و پارلمانتارە كوردەكانە لەسەر ئەم مەلەفە، هەر بۆیە فەرمانبەرانی هەرێم دڵنیا دەكەینەوە تەواوی هەوڵ و كۆششمان لەم پێناوەدا تەرخان دەكەین و سازش لەسەر مووچەكانیان ناكەین .