2020-06-04 1576 جار بینراوە کۆمێنت
بەرزان شێخ محمد
جێگری سەرۆکی ئەنجومەنی پارێزگای سلێمانی
ئایا بە چاکسازی لە یاسادا دەست پێ بکەین یان بە گۆڕینی کلتوری گشتی؟ یان ھەردووکیان بەیەکەوە ؟ کامیان ئاسانە گۆڕینی یاساکە یان گۆڕینی کلتور؟
لەوانەیە ڕێگا ئاسانەکە چاکسازی بێت لە یاسایی بەڕێوەبردنی ئیدارەیی خۆجێی ھاوکات پێویستی بە جێبەجێ کردنێکی باش ھەیە بۆ گونجاندن لەگەڵ چاکسازییەکەدا.
ئەمەش دەبێتە ھۆی دروست بوونی کلتوری لامەرکەزی لە بەڕێوەبرندا، نەک لەسەر ئاستی قسە و یاسا، بەڵکو لەسەر ئاستی جێبەجێکردنی کرداری وە جێبەجێکردنی کرداری کلتورێک دەھێنێتە کایەوە کە زۆر بە گرانی ئەتوانرێت دەست بەرداری بین.
بە قەراربوونی لامەرکەزی لە ھەموو وڵاتێکدا پەیوەستە بە سیستەمی سیاسی وڵاتەکە ئەگەر سیستەمەکە لە نیەتی دەسەڵاتی سیاسی دا ھەبێت بە ئاسانی دێتە دی، بە پێچەوانەوە ئەگەر لە ناخی سیستەمی سیاسیدا نەبێت ئەم بابەتە ھەموو ھەوڵەکان چ یاسایی چ کلتوری چ کۆمەڵایەتی شکست دێنن و تەنھا دەبنە نوسینێک لەسەر پەڕاو .