2021-02-14 837 جار بینراوە کۆمێنت
د.رێبوار کریم محمود
ئەندامی ئەنجومەنی نوێنەرانی عێراق
ئێستا لەپەسەندکردنی بودجە نزیك بوینەتەوە، ئەوەی کە ماوە ماددەی تایبەت بە پشکی هەرێمە. بۆ ئێمە زۆر گرنگە رێکەوتنێك بکرێت ئەم بنەمایانە لەخۆبگرێت:
1. رێکەوتنەکە بنەمایەکی دەستوری هەبێت، نابێ و رێگەنادەین هیچ دەقێك بسەپێنرێت بەسەر هەرێمدا کە لە دەرەوەی دەستور بێت. بەمەرجێك ئەو دەقە راستەوخۆ لەخزمەتی مافی موچەخۆراندا بێت.
2. نابێ هەرێم چاوەڕێی ئەوە بکات کە دەتوانێ وەك جاران پابەند نەبێ بەو رێکەوتنانەی کە دەکرێت. هەر ئەوەش بوەتەمایەی دروستبونی ئەو بێمتمانەییەی کە لە بەغداوە بەرامبەر هەرێم هەیە.
بۆچی بەلامانەوە گرنگە رێکەوتن بکرێت؟
1. لەبەرئەوەی ئەم بودجەیە بۆ هەردو ساڵی ۲٠۲۱_۲٠۲۲ دەبێ و گەرەنتیکردنی مافەکانی خەڵکی کوردستان لە بودجەو موچە، لانی کەم بۆ دووساڵ کاریگەری ئەم کێشەیە کەمدەکاتەوە.
2. رێکەوتنی هەرێم و بەغدا، هەوڵی هەمو ئەو سیاسییانە هەڵدەوشێنێتەوە کە لە میدیاکانەوە داوای رێکەوتن دەکەن و لەژێریشەوە هەمو هەوڵێکیان تەنها بۆ داواکردنی پارەی بەلاشە لەبەغدا.
واتە دەیانەوێ رێکەوتن نەکرێ تا بەردەوام بن لە تاڵانی و سەرەڕۆییەکانی نەوت و گومرك و بابەتەکانیتر.