ڕەمەزان نامیق کریم
2021-03-03      121 جار بینراوە        کۆمێنت
رەمەزان نامق
ئەندامی ئەنجومەنی پارێزگای سلێمانی

لێسەندنەوەی دەسەڵاتەکان لەحکومەتی خۆجێی سلێمانی و گێڕانەوەی بۆ هەولێر و خودی وەزیر سەرەتای ئاماژەیەکی خراپەو دووفاقی بڕیارەکانی حکومەت پیشان دەدات،بەجۆرێک لەلایەک بانگەشە بۆ شۆربونەوەی دەسەڵاتەکان دەکات لەژێر ناوی لامەرکەزی کارگێڕی کە ئەجێندای کابینەکەیەتی لەلایەکی تر هەر ڕۆژەو وەزیرێک دەسەڵاتەکانی وەردەگرێتەوە و قۆرخی دەکات بۆخۆی،بۆیە سەرۆکی حکومەت دەبێت دەرک بەم جیاوازیە بکات و پێچەوانەی قسەکانی خۆیەتی...
پێویستە ئەنجومەنی پارێزگای سلێمانی کۆت و بەندی بێدەنگی بشکێنێت چونکە لەبەردەم بەرپرسیارەتیەکی گەورەدایە و ئەمەی دەگوزەرێت بێڕێزیە بەو دەنگدەرانەی کەدەنگیان بەم ئەنجومەنە داوە چونکە ڕۆژانە کارلەسەر پوکانەوەی دەسەڵاتە کارگێڕیەکانی ئەم پارێزگایە دەکرێت بەبێ ئەوەی کاربەدەستانی لەحکومەت لەقاڵبی ناڕەزایی بەنوسین و قسەکردن لەڕاگەیاندن بێنە دەرەوەو هەنگاوی عەمەلی بۆبنێن....
حکومەت بۆی نیە فەزڵی پارێزگایەک بدات بەسەر پارێزگایەکی تر ودەبێت بەیەک چاو سەیری پارێزگاکان بکات و هەمو هاوڵاتیانی پارێزگاکان هاونیشتمانی یەکترن و جیاوازییان نیە بەڵام ئەوەی ئێستا لەواقیعدا هەیە پارێزگای هەولێر لەجیاتی پارێزگاکانی ( سلێمانی و دهۆک و هەڵەبجە و ئیدارەی گەرمیان و ڕاپەڕین ) قسەدەکات و بڕیاردەدات،چونکە دواجار ئەمە ئەبێتەهۆی بێ ئەرزشکردنی هاوڵاتیان و دروستکردنی ڕق و کینەو دووئیدارەیی کە دەسەڵات لەئەنجومەنی پارێزگای سلێمانی بسەنرێت و بدرێت بەئەنجومەنی پارێزگای هەولێر ..دوێنێ لێسەندنەوەی پێدانی مۆڵەت بە بەنزین خانە و بیری ئیرتیوازی و پڕۆژەی وەبەرهێنان و نیشتەجێون،ئەمڕۆژ لێسەندنەوەی تصدیقکردن(ڕاستاندن) بۆ عقدی زەواج و تەڵاق وەکالەت و بیع و شراء و....هتددەبێت لەکاتی دروستکردنی بەنزین خانەو هوتێل و تەنانەت دانانی سوپەمارکێتیش لەڕووی بەرگری و شارستانی مۆڵەت لەلیژنەکەی هەولێر وەربگیرێت ..
SHARE
وتاری زیاتر
بانگەشە بۆ لێبڕین!
د.رێبوار كریم محمود
کێ باجەکەی دەدات؟؟
ئەحمەد حاجی رەشید
ئاماژەیەکی ترسناک
ڕەمەزان نامیق کریم

زۆرترین خویندراوە لە مانگێکدا

لەگەڵمان بە لە Facebook

© Copyright 2021 - KEODD.ORG All right reserved Developed by kurdsoft