/   هەواڵ

یانزەیەمین راپۆرتی (پارێزگای سلێمانی و نوێنەرانی) بڵاوکرایەوە

رۆژی (شەممە) بەرواری (١٠/1/٢٠٢٦) لە مەراسیمێكی تایبەتدا یانزەیەمین راپۆرتی  (پارێزگای سلێمانی‌و نوێنەرانی) لەلایەن (رێكخراوی ‏كوردستان بۆ ‏هەمووان)ەوە بڵاوكرایەوە‏‎.
.‎لەسەرەتای مەراسیمەكەدا بەڕێز (ئاواز سەلیم) سەرۆكی (رێکخراوی کوردستان بۆ هەمووان) وتەی رێکخراوی پێشکەش کردو ئاماژەی بۆ ئەوە کرد:"
.‎لەسەرەتای مەراسیمەكەدا بەڕێز (ئاواز سەلیم) سەرۆكی (رێکخراوی کوردستان بۆ هەمووان) وتەی رێکخراوی پێشکەش کردو ئاماژەی بۆ ئەوە کرد:" لەئامادەکردنی راپۆرتەکانی خولی پێنجەمی ئەنجومەنی نوێنەرانی عێراقدا، هەروەک نەریتێکی ساڵانە چەند نوێنەرێکی پارێزگای سلێمانی هەوڵیاندەدا راپۆرتەکە لە ئاڕاستەی بێلایەنی دووربخەنەوەو مەرجی وەڵامیان بۆ تیمی پڕۆژە ئەوەبوو، کەلە راپۆرتەکەدا رەخنەیان لێنەگیرێت و باس لە چالاکییەکانیان نەکرێت، یان راپۆرتەکە لەبەرژەوەندی ئەواندا بنوسرێت.
بەڵام تیمی پڕۆژە بەهیچ جۆرێک لایەنگیری هیچ فراکسیۆن و نوێنەرێکی نەکردووە، ئەوەی کردوویەتی کارێکی پیشەییانەی سەربەخۆ بووە لەچوارچێوەی بنەماکانی کۆمەڵگەی مەدەنیدا، خۆشبەختانەش لەماوەی ئەم خولەشدا هیچ نوێنەرێک بەڵگەیەکی روون و حاشا هەڵنەگری دەستنەکەوت بۆ سەلماندنی لایەنگیری ئێمە.
ئێمە خۆشحاڵدەبین نوێنەران خۆیان راپۆرتی ساڵانەی کاری خۆیان بۆ رایگشتی بڵاوبکەنەوە لە (ژمارەی تێچین (مداخلە)کانیان، نوسراوی وەڵامدراوەیان، ناوەڕۆکی چەند نوسراویان جێبەجێکراوە؟ چەند بڕیار و رێکاری پێویست لەلایەن دەسەڵاتی جێبەجێکردنەوە لەسەر بەدواداچوونەکانی ئەاون گیراونەتەبەر؟ چەند بەرپرسی کەمتەرخەم و گەندەڵیان دایە دادگا؟ کام لە بەڵێنەکانی هەڵبژاردنیان جێبەجێکرد؟
ئەگەر پێوەرکانی هەڵسەنگاندن و میکانیزمی کۆکردنەوەو پۆلێکردنی چالاکییەکانی نوێنەران لەراپۆرتەکانماندا هەڵەن....
ئەگەر راپۆرتەکانی ئێمە زانیاریەکانی دروست نین بفەرموون بەڕێزتان خۆتان ئەو زانیاریانە بۆ رای گشتی بخەنەڕوو.
" ‏پاشان لەلایەن (ئارام كەمال) بەڕێوبەری پڕۆژەوە، پوختەیەك لە راپۆرتی یانزەیەمین خرایەڕوو‎.‎
دواتر بەڕێز (دارا سێکانیانی) ئەندامی خولی چوارەمی ئەنجومەنی نوێنەرانی عێراق، وتەیەکی پێشکەش کردو تایدا دەستخۆشی لە  تیمی پڕۆژە کردو راپۆرت و چالاکییەکانی رێکخراوی بەگرنگ بۆ نوێنەران وەسفکردو ستایشی ئەمجۆرە پرۆژانەی کردو رایگەیاند گرنگە ئەمجۆرە چالاکییانە بەردەوامیان هەبێت...، دەستخۆشی و پێزانینی هەبوو بۆ چالاکییەکانی رێکخراوی کوردستان بۆ هەمووان، لە کۆتاییشدا راپۆرتەکە بەسەر ئامادەبوواندا دابەشکرا.
شایانی باسە لە مەراسیمەکدا نوێنەرانی هەردوو نوسینگەی سلێمانی و هەڵەبجەی (ئەنجومەنی نوێنەرانی عێراق) ئامادەبوون.

 بۆ بینینی وێنەی مەراسیمەکە، کلیک لەم لینکە بکە:
https://www.keodd.org/photo/119658